«Vybili bramku, palili cyharu ŭ lifcie». Na «Novuju Baravuju» ździejśnili nabieh «bandyty» siami-dzieviaci hadoŭ
«Novaja Baravaja» prymahničvaje da siabie nie tolki zabiaśpiečanych biełarusaŭ, jakija kuplajuć kvadratnyja mietry ŭ novym kvartale, ale i ŭsich, chto nieabyjakavy da pryhažości. Ale ŭčora ŭ «Centralnym parku» adbyłosia niešta zusim niemahčymaje: na terytoryju kvartała ŭvarvałasia «banda» niepaŭnaletnich, jakija vyrašyli narešcie «pažyć pryhoža», piša Onliner.
Usio zdaryłasia ŭ pramiežku pamiž 16:45 i 17:30: mienavita ŭ hety čas chłapčuki patrapili na kamiery videanazirańnia. Što ž, prynamsi, nie prahulali ŭroki.
— Hości ŭ kvartale jość zaŭsiody, ale ŭ kancy navučalnaha hoda ci padčas kanikuł takija vizity stanoviacca rehularnymi, — raskazvaje Anton. — Uviesnu, naprykład, «zachodzili» padletki, jakija łamali łavy, a na zaŭvahi žycharoŭ adkazvali maciukami. Vynik: adpravilisia ŭ Baraŭlanski RAUS.
Małady čałaviek kaža, što žycharam «Centralnaha parka» užo dvojčy davodziłasia mianiać kody na bramkach z-za niaprošanych vizicioraŭ, jakija viaduć siabie jak papała. Ale pieraškoda nie spyniaje dziaciej: ciapier jany prosta łamajuć bramki.
— Što da hetych chłapčukoŭ, to ruchalisia jany z boku «Hipa» (vuł. Avijacyjnaja, 33), vyłamali bramku ŭ arcy doma pa Avijacyjnaj, 19. Potym niekatory čas byli ŭ dvary, dalej bavili čas u siomym padjeździe.
Potym chłopcy pakinuli kvartał pa vulicy Mila i rušyli ŭ «Sasnovy kvartał», zajšli ŭ dom na Niabiesnaj, 2, dzie sapsavali azdableńnie ściany ŭ padjeździe. Ź vialikaj vierahodnaściu, heta nie našy dzieci, my ŭžo šukali baćkoŭ pa čatach damoŭ i kvartałaŭ — nichto nie adhuknuŭsia, — apisvaje pryhody adčajnaj trojki Anton.
Viaršyniaj učorašniaha vizitu možna ličyć «pieraabstalavańnie» lifta ŭ kurylny pakoj. Chłapčuki prynieśli z saboj siharu (!) i dziełavita palili jaje padčas padarožža pa pavierchach.
Cikava, što«banda» zrazumieła, što papadaje na kamiery videanazirańnia, ale heta nie pieraškodziła joj čynić usiakuju dzičynu, u tym liku drapać ścieny ŭ padjeździe. Ciapier žychary «Novaj Baravoj» chočuć adšukać baćkoŭ chłapčukoŭ, «kab vyrašyć prablemu mirnym šlacham, bieź milicyi».
