ŚMI: Ułady Ukrainy hatovyja ŭzhadniać z ZŠA celi ŭ vypadku atrymańnia rakiet ATACMS dla HIMARS
Ułady Ukrainy paprasili ZŠA pieradać rakiety ATACMS z dalokaściu palotu kala 200 mil (300 kiłamietraŭ) pry ŭmovie, što jany buduć uzhadniać z Złučanymi Štatami celi naniasieńnia ŭdaraŭ hetaj zbrojaj. Pra heta paviedamili krynicy telekanała CNN.
Ustanoŭka HIMARS z rakietami ATACMS. Fota ilustracyjnaje
Adznačajecca, što takaja prazrystaść faktyčna daje ZŠA prava vieta i daje mahčymaść pierakanać Administracyju prezidenta Złučanych Štataŭ Džo Bajdena, što ŭdary pa rasijskaj terytoryi hetaj zbrojaj nanosicca nie buduć. Bo ZŠA aścierahajucca, što naniasieńnie Ukrainaj udaraŭ pa terytoryi Rasijskaj Fiederacyi moža pryvieści da eskałacyi vajny.
U kancy vieraśnia krynicy Reuters paviedamili, što Złučanyja Štaty rychtujuć novy pakiet uzbrajeńniaŭ na sumu 1,1 młrd dalaraŭ u jakaści dapamohi Ukrainie. Hety pakiet, pa źviestkach ahienctva, uklučaje ŭ siabie puskavyja ŭstanoŭki HIMARS, spadarožnyja bojeprypasy, roznyja typy sistem baraćby ź bieśpiłotnikami i radyjołakacyjnyja sistemy, a taksama zapasnyja častki, navučańnie i techničnuju padtrymku.
