U Kiraŭsku žančynu asudzili na 7 hadoŭ kałonii za nieprybranyja mahiły
Sud Kiraŭskaha rajona Mahiloŭskaj vobłaści vynies prysud pa kryminalnaj spravie ŭ dačynieńni da žycharki Babrujska, jakuju abvinavacili ŭ machlarstvie ŭ asabliva bujnym pamiery (č. 4 art. 209 KK).
Fota ilustracyjnaje
Jak paviedamlaje pres-słužba Viarchoŭnaha suda, indyvidualny pradprymalnik K. z 2018 pa 2021 hady zaklučała z hramadzianami roznyja damovy, abaviazvajučysia vykonvać raboty, źviazanyja z akazańniem rytualnych pasłuh i dobraŭparadkavańniem miescaŭ pachavańnia.
«Jana pierakonvała pieradavać joj u jakaści papiaredniaj apłaty hrašovyja srodki, pry hetym pryniatyja na siabie abaviazacielstvy nie vykonvała. U vyniku złačynnych dziejańniaŭ abvinavačanaja supraćpraŭna biazvypłatna zavałodała hrašovymi srodkami hramadzian, pryčyniŭšy im majomasnuju škodu ŭ asabliva bujnym pamiery na ahulnuju sumu 69 170 rubloŭ 80 kapiejek, što skłała 2385,2 bazavych vieličyń», — havorycca ŭ paviedamleńni.
U vyniku abvinavačanaj pryznačana pakarańnie ŭ vyhladzie 7 hadoŭ pazbaŭleńnia voli ŭ papraŭčaj kałonii va ŭmovach ahulnaha režymu sa štrafam u pamiery 300 bazavych vieličyń. Taksama jana pavinna vypłacić paciarpiełym materyjalnuju škodu i kampiensacyju maralnaj škody.
