Dźvie traciny žycharoŭ Litvy za toje, kab nie ŭpuskać rasijan u ES
Amal dźvie traciny nasielnictva Litvy ŭchvalajuć rašeńnie krain Bałtyi i Polščy nie prymać rasijskich turystaŭ, śviedčyć apytańnie, praviedzienaje kampanijaj Vilmorus u vieraśni pa zamovie BNS, piša Delfi.
Čerhi ŭ aeraporcie Unukava ŭ Maskvie. Skryn videa
Pavodle danych daśledavańnia, 62,5 % apytanaha nasielnictva poŭnaściu zhodnyja z hetym rašeńniem ci chutčej padtrymlivajuć jaho.
Całkam ci kateharyčna nie zhodnyja z hetym 24,3%. Jašče 13,2% respandentaŭ zajavili, što ŭ ich niama mierkavańnia pa hetym pytańni
Padtrymku hetaj zabarony, uviedzienaj u vieraśni, vykazvajuć ludzi z vyšejšaj adukacyjaj i bolš vysokimi dachodami, žychary bujnych haradoŭ i dziaržsłužačyja. Miž tym, ludzi ź nievysokaj adukacyjaj, žychary pravincyi, chatnija haspadyni i piensijaniery čaściej suprać abmiežavańniaŭ na ŭjezd hramadzian Rasii.
Navukovy supracoŭnik Instytuta mižnarodnych adnosin i palityčnych navuk Vilenskaha ŭniviersiteta Nieryjus Malukiavičus adznačaje, što vyniki apytańnia adlustroŭvajuć toj fakt, što ludzi bajacca Rasii. «U pryncypie, biahučaja hieapalityčnaja situacyja adlustroŭvajecca ŭ strachach ludziej. Ja b skazaŭ, što heta reprezientatyŭna dla ciapierašniaj situacyi», — skazaŭ BNS Malukiavičus.
