Minabarony FRH: Za treniroŭkami ŭkrainskich vajskoŭcaŭ u Hiermanii sprabavali špijonić
Nieviadomyja asoby sprabavali špijonić za bazaj bundeśviera ŭ bavarskim Vildflekienie z dapamohaj bieśpiłotnika ŭ noč z 30 vieraśnia na 1 kastryčnika.
Fota ilustracyjnaje
Fiederalnaje ministerstva abarony Hiermanii ŭžo paćvierdziła, što taki incydent sapraŭdy byŭ. U paviedamleńni viedamstva havorycca, što adrazu paśla vyjaŭleńnia bieśpiłotnikaŭ palicejskija praviali śpiecyjalnuju apieracyju — jaje detali nie vydajucca.
Krynicy vydańnia Business Insider raspaviali, što ŭ špijanažy było zadziejničana kala 12 bieśpiłotnikaŭ: jak miarkujecca, sačeńnie arhanizavaŭ rasijski bok. Pry hetym surazmoŭcy vydańnia padkreślivajuć, što nijakaj niebiaśpieki dla nasielnictva latajučyja aparaty nie stvarali.
Prosta ciapier na palihonie bundeśviera ŭ Vildflekienie ŭkrainskija sałdaty vučacca karystacca braniravanymi mašynami Dingo. Urad Hiermanii raniej paabiacaŭ pastavić Ukrainie 50 takich aŭtamabilaŭ.
