U rasijskaj Dziarždumie vyjavili źniknieńnie 1,5 miljona kamplektaŭ vajskovaj formy
Pa słovach člena kamiteta Dziarždumy pa abaronie Andreja Hurulova, na punktach pryjomu asabistaha składu pavinna było zachoŭvacca paŭtara miljona kamplektaŭ formy. Na praktycy ž akazałasia, što ich niama.
«Kudy padzielisia paŭtara miljona kamplektaŭ, jakija zachoŭvalisia na punktach pryjomu asabovaha składu. Adkul prablemy z formaj? Heta nichto nijak nie źbirajecca rastłumačyć!», — zajaviŭ Huruloŭ u svaim telehram-kanale.
Deputat taksama raskrytykavaŭ rašeńnie pieravieści na inšuju pracu byłoha namieśnika ministra abarony Dźmitryja Bułhakava, jaki adkazvaŭ za zabieśpiačeńnie vojskaŭ.
«Nie treba adpraŭlać hienierała Bułhakava na inšuju pracu, treba kankretna pytacca, kudy, dzie i čamu tak zdaryłasia, što ŭ nas mabilizavanyja nie atrymlivajuć formu», — skazaŭ deputat.
