U sankcyjny śpis ZŠA trapiła biełaruskaje pradpryjemstva «Śvietłahorsk Chimvałakno»
ZŠA ŭvodziać novyja sankcyi ŭ dačynieńni da Rasii ŭ suviazi z praviadzieńniem «refierendumaŭ» i anieksii ŭkrainskich abłaściej. Pad sankcyi siarod inšych trapili biełaruskija vajskoŭcy i pradpryjemstva «Śvietłahorsk Chimvałakno», paviedamiła pres-słužba Minfina ZŠA.
Terytoryja zavoda «Śvietłahorsk Chimvałakno»
Sankcyi Minfina zakranajuć 14 pradstaŭnikoŭ rasijskaha abaronnaha kompleksu, a taksama 278 členaŭ rasijskaha parłamienta. Akramia hetaha, Dziarždep uvodzić vizavyja abmiežavańni ŭ dačynieńni da 910 asob, u tym liku biełaruskaha vajskovaha kiraŭnictva. Ich imiony pakul nie ŭdakładniajucca.
Pad sankcyjami apynulisia 11 pradpryjemstvaŭ i arhanizacyj, siarod ich kitajskaja kampanija Sinno Electronics, armianskaja Taco LLC, a taksama biełaruskaje pradpryjemstva «Śvietłahorsk Chimvałakno».
«Śvietłahorsk Chimvałakno» apynułasia ŭ śpisie za pastaŭki tekstylnaj pradukcyi ŭ Rasiju. Hetaja pradukcyja vykarystoŭvałasia ŭ rasijskaj abaronnaj pramysłovaści.
Pad sankcyi trapili taksama kiraŭnica rasijskaha Centrabanka Elvira Nabiulina, vice-premjer Alaksandr Novak, členy siemjaŭ ministra abarony Siarhieja Šajhu, kiraŭnika Nachvardyi Viktara Zołatava, premjer-ministra Michaiła Mišuścina, namieśnika staršyni Rady Biaśpieki Dźmitryja Miadźviedzieva.
