Małankavaja reakcyja: z-za vizitu Łukašenki ŭ Abchaziju ŭ MZS Hruzii vyklikali biełaruskaha pasła
Anatolu Lisu vykazali pratest i zapatrabavali tłumačeńniaŭ z nahody pajezdki Alaksandra Łukašenki ŭ rehijon, jaki Hruzija ličyć akupavanym.
Siońnia na abchazskich infarmacyjnych resursach źjaviłasia infarmacyja pra vizit u rehijon Alaksandra Łukašenki. Jon sustreŭsia z kiraŭnikom Abchazii Asłanam Bžanijaj, vykazaŭšysia za raźvićcio stasunkaŭ z Abchazijaj pry padtrymcy Rasii.
Hruzija de fakta nie kantraluje terytoryju Abchazii amal 30 hadoŭ, z 1993 hoda. Ale pavodle mižnarodnaha prava, heta biassprečna jaje dziaržaŭnaja terytoryja. U 2008 hodzie Rasija aficyjna pryznała niezaležnaść Abchazii (razam z Paŭdniovaj Asiecijaj), ale za jaje prykładam dahetul pajšli tolki niekalki krain, prytym, jak praviła, vielmi hieahrafična addalenych i małaŭpłyvovych u śviecie i rehijonie.
Čytajcie taksama:
«My pavinny ŭmacoŭvać adnosiny ź siabrami». Łukašenka nasamreč u samaabvieščanaj respublicy Abchazija
