Urad zapłanavaŭ na nastupny hod rost biełaruskaha VUP na 3,8%
Urad Biełarusi ŭ 2023 hodzie zapłanavaŭ rost vałavoha ŭnutranaha praduktu na 3,8%. Pra heta zajaviŭ jaho kiraŭnik Raman Hałoŭčanka padčas prezidyumu Saŭmina, na jakim abmiarkoŭvalisia prajekty sacyjalna-ekanamičnaha raźvićcia krainy, asnoŭnych napramkaŭ hrašova-kredytnaj palityki i biudžetu na nastupny hod.
Jak było adznačana, paskoryć rost VUP ułady chočuć za košt pryrostu inviestycyj.
«Zadača niaprostaja, asabliva va ŭmovach sankcyjnaha «biespriedieła», razburanych ekanamičnych suviaziaŭ, razbałansavańnia i pierabudovy rynku. Dla jaje vyrašeńnia patrabujecca napružańnie pa ŭsioj sistemie», — skazaŭ Hałoŭčanka.
Jon adznačyŭ, što pryrost pramysłovaj vytvorčaści na 2,4% pavinien zabiaśpiečyć vychad na maksimalnyja abjomy vypusku pradukcyi za apošnija 10 hadoŭ. «Z ulikam płanavanaha naroščvańnia inviestycyj da ŭzroŭniu 20% da VUP usio pavinna być raskładziena pa paličkach: prajekty, adkaznyja, krynicy finansavańnia», — padkreśliŭ Hałoŭčanka.
Varta adznačyć, što prahnozam sacyjalna-ekanamičnaha raźvićcia na hety hod praduhledžany rost VUP na 2,9%, ale pakul nazirajecca tolki skaračeńnie. Pa vynikach vaśmi miesiacaŭ vałavy ŭnutrany pradukt źniziŭsia na 4,9%, pramysłovaja vytvorčaść upała na 6,6%, a inviestycyi ŭ asnoŭny kapitał abvalilisia na 18,5%.
