Łaŭroŭ zajaviŭ, što daktryny RF, uklučajučy jadziernuju, buduć raspaŭsiudžvacca na «novyja terytoryi»
Usie rasijskija zakony i daktryny, uklučajučy jadziernuju, buduć raspaŭsiudžvacca i na «novyja terytoryi» ŭ vypadku ich zamacavańnia ŭ Kanstytucyi krainy, zajaviŭ kiraŭnik MZS RF Siarhiej Łaŭroŭ.
«Usia terytoryja Rasijskaj Fiederacyi, jakaja zamacavanaja i dadatkova moža być zamacavanaja ŭ Kanstytucyi Rasijskaj Fiederacyi, biezumoŭna, znachodzicca pad poŭnaj abaronaj dziaržavy, heta absalutna naturalna. Usie zakony, daktryny, kancepcyi, stratehii Rasijskaj Fiederacyi raspaŭsiudžvajucca na ŭsiu jaje terytoryju», — skazaŭ Łaŭroŭ na pres-kanfierencyi ŭ AAN, adkazvajučy na pytańnie pra toje, ci budzie jadziernaja daktryna RF raspaŭsiudžvacca na novyja rehijony ŭ vypadku, kali jany padčas refierendumaŭ vykažucca na karyść dałučeńnia da Rasii.
Kamientujučy zajavy ab nieminučym adkazie ZŠA ŭ vypadku dałučeńnia da Rasii novych terytoryj, ministr adznačyŭ: «Ja b nie staŭ tut zajmacca niejkimi zmročnymi prahnozami».
«Ja nie čuŭ, što ZŠA pahražajuć niejkim udaram, ja čuŭ, što prezident Bajden zajaviŭ, što ŭ vypadku praviadzieńnia refierendumaŭ i pryniaćcia ich vynikaŭ, Rasiju čakajuć čarhovyja sankcyi «ź piekła», ci jašče adniekul… Kali byŭ pahroźlivy vyłučany tezis, što Rasija atrymaje ŭdar, ja aznajomlusia z hetym tekstam, ja nie byŭ u kursie, što ZŠA i Ukraina źjaŭlajucca sajuźnikami, źviazanymi takim niebiaśpiečnym łancuhom», — dadaŭ jon.
Łaŭroŭ adznačyŭ, što Złučanyja Štaty, jak i inšyja krainy Zachadu, nie abjaŭlali siabie bokam kanfliktu va Ukrainie, u suviazi z čym pavinny vykonvać mižnarodnyja kanviencyi, jakija zabaraniajuć pastaŭki vajskovych karabloŭ, bojeprypasaŭ i luboj vajskovaj majomaści.
«Heta značyć, pastaŭlajučy zbroju Kijevu, ZŠA i Jeŭrasajuz i NATA nie mohuć pretendavać na status niejtralnych, heta značyć, nie mohuć pretendavać na toje, što jany nie ŭdzielničajuć u kanflikcie», — dadaŭ kiraŭnik MZS RF.
Jon padkreśliŭ, što Złučanyja Štaty adpraŭlajuć va Ukrainu zbroju, dajuć raźviedvalnyja i spadarožnikavyja źviestki, što aznačaje, što jany «zusim nie źjaŭlajucca niejtralnymi ŭ hetaj situacyi i źjaŭlajucca bokam kanfliktu».
