Kiraŭnik Jeŭrapiejskaj rady: Jeŭropa pavinna pryniać rasijan, jakija ŭciakajuć z krainy
Jeŭropa pavinna pryniać hramadzian Rasii, jakija sprabujuć pakinuć krainu, zajaviŭ staršynia Jeŭrapiejskaj rady Šarl Mišel, źviartajučysia ŭ Ńju-Jorku da Hienieralnaj asamblei AAN.
U intervju vydańniu Politico Mišel skazaŭ, što Jeŭrasajuz pavinien prajavić adkrytaść u adnosinach da tych, chto nie choča być instrumientam Kramla.
U svaim vystupie ŭ AAN staršynia Jeŭrapiejskaj rady zajaviŭ, što Rasija pabudavała «pavucinu chłuśni» vakoł kanfliktu: «Heta hibrydnaja vajna. Jana spałučaje ŭ sabie siłu zbroi z atrutaj padmanu».
Mišel taksama zajaviŭ, što Rada Biaśpieki AAN u ciapierašnim vyhladzie nie źjaŭlajecca ni inkluziŭnaj, ni pradstaŭničaj, i zaklikaŭ da reformy arhanizacyi.
«Vykarystańnie prava vieta pavinna być vyklučeńniem, ale jano stanovicca praviłam, — skazaŭ jon. — Kali pastajanny člen Savieta Biaśpieki raźviazvaje niepravakavanuju i nieapraŭdanuju vajnu, jakuju asudžaje Hienieralnaja Asambleja AAN, jaho adchileńnie ad Rady Biaśpieki pavinna być aŭtamatyčnym».
