Straty USU na vajnie suprać Rasii składajuć bolš za 9 tysiač čałaviek
Namieśnica ministra abarony Ukrainy Hanny Malar zajaviła, što viedamstva nie moža nazvać dakładnuju ličbu z-za niemahčymaści padliku zahinułych bajcoŭ u Maryupali.
«Heta nie sotni tysiač. Dziakuj bohu, što heta nie sotni tysiač», — dadała Malar.
21 vieraśnia ministr abarony Rasii Siarhiej Šajhu zajaviŭ, što ŭkrainski bok maje 61207 čałaviek zabitymi i 49368 paranienymi. Ale heta vidavočnaja chłuśnia — paranienych nie moža być mienš za zabitych. Šajhu taksama schłusiŭ i nakont zabitych rasijan — jon nazvaŭ ličbu ŭ 5937 čałaviek, u toj čas jak niezaležnyja krynicy naličyli ŭžo bolš za 6300 zahinułych.
U toj ža čas Hienštab USU zajaŭlaje pra 56 tysiač zabitych rasijskich vajskoŭcaŭ. Ale spraŭdzić hetuju ličbu niemahčyma. Zachodnija analityki nazyvajuć ličbu ŭ 80 tysiač zahinułych i paranienych.
