Uber całkam pieraviadzie svoj taksapark na elektramabili da 2030 hoda
Uber pierastanie padklučać da svajoj mabilnaj prahramy kiroŭcaŭ na aŭtamabilach z ruchavikami ŭnutranaha zharańnia ŭžo da kanca dziesiacihodździa.
Fota ilustracyjnaje
«Ciapier z adnaho miljona partniorskich aŭtamabilaŭ elektrakaraŭ usiaho kala 25 tysiač. Naša meta — za hod pavialičyć ich dolu ŭ dva razy», — zajaviŭ kiraŭnik Uber Dara Chasroŭšachi telekanału CBS News.
Pakul što servis prymańvaje elektrakary šlacham zaachvočvańnia. Tak, Uber daje lhoty svaim kiroŭcam, jakija pierasadžvajucca na elektrakary. A ciapierašnija ŭžo atrymlivajuć staŭku za pajezdki vyšejšuju, čym ich kalehi na aŭto z ruchavikami ŭnutranaha zharańnia. Taksama Uber uvioŭ źnižki na zaradnych stancyjach. Na ŭsie hetyja miery servis patracić 800 miljonaŭ dalaraŭ.
Elektrakary pracujuć u taksi i ŭ Biełarusi, ale pakul ich taksama mienšaść. Taksisty ž, jakija pracujuć na elektramabilach, u cełym zadavolenyja. Tolki na absłuhoŭvańni jany ekanomiać pa 200 rubloŭ kožny miesiac, nie kažučy pra paliva.
