Apublikavany prajekt źmienaŭ u zakon ab hramadzianstvie. Jaho płanujuć pazbaŭlać tych, kaho nie mohuć pasadzić. A pra VNŽ abaviažuć paviedamlać u orhany
Na partale Pravo.by źjaviŭsia prajekt źmien u Zakon «Ab hramadzianstvie».
Zhodna z prajektam, hramadzianstva buduć zabirać «u suviazi z najaŭnaściu prysudu suda Respubliki Biełaruś, jaki paćviardžaje ŭdzieł hetaj asoby ŭ ekstremisckaj dziejnaści abo pryčynieńnie joj ciažkaj škody intaresam Respubliki Biełaruś, — kali takaja asoba znachodzicca za miežami Respubliki Biełaruś».
Inšaja važnaja źmiena — ludziej abaviažuć paviedamlać u orhany ŭnutranych spraŭ abo zamiežnyja dypłamatyčnyja pradstaŭnictvy pra atrymańnie imi dazvołaŭ na žycharstva inšych dziaržaŭ abo anałahičnych dakumientaŭ. Majucca na ŭvazie, prykładam, karty palaka.
U Biełarusi rola Nacyjanalnaha schodu naminalnaja, jany prosta štampujuć zakony, jakija rychtuje Administracyja prezidenta, tamu zakon, možna ličyć, budzie źmienieny.
