«Nie mahilizacyi». U Rasii aktyvisty abviaścili ŭsierasijskuju akcyju pratestu suprać mabilizacyi
Rasijski ruch «Viasna» zaklikaŭ da ŭsierasijskaj akcyi pratestu suprać mabilizacyi, abvieščanaj prezidentam RF Uładzimiram Pucinym.
Aktyvisty prapanujuć hramadzianam źbiracca ŭ 19:00 21 vieraśnia ŭ centrach svaich haradoŭ.
«Tysiačy rasijskich mužčyn — našych baćkoŭ, bratoŭ i mužoŭ — buduć kinutyja ŭ miasarubku vajny. Za što jany buduć pamirać? Za što maci i dzieci buduć pralivać ślozy?» — havorycca ŭ zvarocie ruchu.
«Deputaty i čynoŭniki, jakija štodnia lamantavali ab nieabchodnaści mabilizacyi, zastanucca ŭ svaich ciopłych kresłach — žyvymi i zdarovymi», a ŭ hety čas usio, što adbyvajecca, «pryjdzie ŭ kožny dom» prostych rasiejcaŭ», — havorycca ŭ zajavie arhanizacyi.
Paplečniki rasijskaha apazicyjaniera Alaksieja Navalnaha zaklikali supraciŭlacca abvieščanaj mabilizacyi až da padpałaŭ vajenkamataŭ.
Navalnisty abiacajuć padtrymlivać rasijcaŭ, jakija buduć paźbiahać pryzyvu.
Sam Navalny na sudovym pasiadžeńni ŭ Kaŭrovie skazaŭ, što čuŭ «niejkija abryŭki navin pa radyjo». «Tołkam ničoha nie zrazumieła, ale zrazumieła, što ŭsio drenna», — skazaŭ jon.
21 vieraśnia Uładzimir Pucin abjaviŭ častkovuju mabilizacyju ŭ Rasii. U zvarocie da rasijan jon zajaviŭ, što heta robicca «dla abarony našaj radzimy, jaje suvierenitetu i terytaryjalnaj cełasnaści, dla zabieśpiačeńnia biaśpieki našaha naroda i ludziej na vyzvalenych terytoryjach». Pryzyvu na vajennuju słužbu buduć padlahać tolki hramadzianie, jakija znachodziacca ŭ zapasie.
