U minskich sadkach i balnicach ad zaŭtra pačnuć uklučać aciapleńnie
Užo z aŭtorka, 20 vieraśnia, pačnuć uklučać aciapleńnie ŭ dziciačych sadkach, balnicach i inšych sacyjalnych abjektach Minska. Adpaviednaje rašeńnie pryniaŭ Minharvykankam, paviedamlaje ahienctva «Minsk-Naviny».
Fota ilustracyjnaje
Akramia sadkoŭ i balnic, da pieršaj čarhi zaličvajucca školnyja, lačebna-prafiłaktyčnyja, miedycynskija ŭstanovy, ustanovy saczabieśpiačeńnia, muziei, dziaržaŭnyja archivy, biblijateki, haścinicy. Tam aciapleńnie ŭklučajuć, kali siaredniasutačnaja tempieratura ciaham piaci sutak trymajecca na ŭzroŭni +10 i nižej.
U kvaterach, internatach, ustanovach adukacyi (za vyklučeńniem daškolnych i školnych), teatrach i ahulnaharadskich łaźniach aciapleńnie ŭklučajuć pry siaredniasutačnaj tempieratury +8 i nižej na praciahu piaci sutak.
U ofisy i pramysłovyja budynki ciapło pačynajuć padavać u apošniuju čarhu.
