U internacie kobrynskaha kaledža milicyja praviała abłavu z sabakami
Milicyja razam z administracyjaj Kobrynskaha dziaržaŭnaha politechničnaha kaledža zładziła abłavu ŭ internacie, jakuju sami nazvali «prafiłaktyčnym rejdam». Šukali narkotyki i padpiski na «zabaronienyja» telehram-kanały.
«13 vieraśnia 2022 hoda prajšoŭ sumiesny prafiłaktyčny rejd u internacie №1 UA «Kobrynski HPK»… śpiecyjalistami i śpiecyjalna navučanym sabakam na najaŭnaść narkatyčnych srodkaŭ, a taksama pravieranyja telefony na najaŭnaść zabaronienych telehram-kanałaŭ. Padčas rejdu zabaronienych srodkaŭ nie vyjaŭlena. Chłopcam byli dadzienyja rekamiendacyi, jak zaścierahčy siabie ŭ internecie i nie złamać sabie žyćcio», — paviedamiła administracyja kaledža.
Ciapier, praŭda, pry sprobie zajści na hetuju staronku sistema vydaje pamyłku, prytym što sam sajt pracuje. Padobna na toje, što infarmacyju vydalili.
Miarkujučy pa fota i apisańni rejdu, u pakoi vučniaŭ biez papiaredžańnia i jakich-niebudź padstaŭ prosta źjaviłasia milicyja z sabakami, u supravadžeńni administracyi kaledža.
