U Minsku na dyvanie pa prajeznaj častcy jechaŭ «Aładzin»
Žychary staličnaha mikrarajona «Minsk-Śviet» nazirali siońnia na prajeznaj častcy niezvyčajnaha ŭdzielnika ruchu. Chłopiec, apranuty ŭ kaścium Aładzina z dyśniejeŭskaha multfilma, ruchaŭsia na «dyvanie-samalocie», piša «Anłajnier».
«Aładzin» ruchaŭsia pa nie vielmi ažyŭlenaj vulicy, jakaja da taho ž na dadzieny momant była pierakrytaja. Ale ŭsio adno jon farmalna parušaŭ PDR. Bo rolu kazačnaha dyvana jaŭna vykonvaje elektraskiejt, jaki ličycca spartyŭnym invientarom. A pavodle punkta 2.46 Pravił darožnaha ruchu, čałaviek na rolikavych kańkach, łyžach i inšym spartyŭnym invientary pavinien pierasoŭvacca pa tratuarach.
Nie vyklučana, što ŭ roli kazačnaha piersanaža ŭ Minsku mohuć vystupać hastralory-prankiery z Rasii, jakija ŭžo vypuścili niekalki rolikaŭ pra katańni na dyvanach.
