Śviatar Bahamolnikaŭ paśla 14 adsiedžanych sutak na volu nie vyjšaŭ
U pravasłaŭnaha śviatara Uładzisłava Bahamolnikava 14 vieraśnia minaŭ čatyrnaccacisutkavy termin administracyjnaha aryštu, jaki jamu dali paśla brutalnaha zatrymańnia HUBAZiKam 31 žniŭnia. Ale jaho nie vypuścili, daŭšy novyja 15 sutak, paviedamlaje telehram-kanał «Chryścijanskaja vizija».
Uładzisłaŭ Bahamolnikaŭ (źleva) na Płoščy Pieramien
Padstavaj dla novaha pakarańnia pasłužyŭ pieradruk materyjału ŚMI, pryznanaha «ekstremisckim».
Uładzisłaŭ Bahamolnikaŭ — kliryk Minskaj jeparchii Biełaruskaj Pravasłaŭnaj Carkvy, vykładčyk Minskaj duchoŭnaj akademii. Jon vosieńniu 2020 hoda słužyŭ na Płoščy Pieramien panichidu pa zabitym Ramanu Bandarenku, abviaščaŭ haładoŭku na znak salidarnaści z palitviaźniem Iharam Łosikam.
Režymnyja telehram-kanały raniej paviedamlali, što śviatara, jaki dapamahaŭ ukrainskim uciekačam, pieraśledujuć nibyta za zbor srodkaŭ dla USU. Suprać Bahamolnikava prapahanda razharnuła ŭ internecie cełuju kampaniju ckavańnia i pahroz.