Paloty ŭ Jehipiet dla biełarusaŭ ciapier buduć chutčejšymi
Paśla taho, jak «Rasavijacyja» dazvoliła kampanii lotać u paŭdniovych napramkach praz terytoryju Rasijskaj Fiederacyi, «Biełavija» zajaviła, što budzie vykonvać rejsy ŭ Churhadu i Šarm-El-Šejch biez techničnaj pasadki, paviedamlaje telehram-kanał «Biełavija». Adnak skaračeńnie palotu zakranie pakul nie ŭsie rejsy.
Paśla zakryćcia 24 lutaha 2022 hoda častki pavietranaj prastory Rasii «Biełavija» vykonvała rejsy ŭ Churhadu i Šarm-El-Šejch u ablot, što ŭpłyvała na praciahłaść šlachu i vyklikała nieabchodnaść techničnaj pasadki dla dazapraŭki.
Ciapier, atrymaŭšy dazvoł «Rasavijacyi», kampanija zmoža vykonvać častku palotu bolš karotkim maršrutam. Raźlikovy čas u šlachu składzie kala 7 hadzin.
«Biełavija» źviartaje ŭvahu, što na rejsach biez techpasadki budzie abmiežavanaja limitnaja kamiercyjnaja zahruzka, h. zn. kolkaść pasažyraŭ i bahažu, jakija buduć pieravozicca. Tamu rejsy, zahruzka jakich užo pieravyšaje hranična dapuščalnuju dla biespasadačnaha palotu, pa-raniejšamu buduć vykonvacca z techničnaj pasadkaj.
Abmiežavańnie limitnaj kamiercyjnaj zahruzki na pramych rejsach ciahnie za saboj i pamianšeńnie normy pravozu bahažu.
