Reuters: Na pačatku vajny daradcy rekamiendavali Pucinu pieramirje, ale jon admoviŭsia
Kali pačałasia vajna va Ukrainie, blizki daradca Pucina Dźmitryj Kozak paviedamiŭ jamu, što jon padrychtavaŭ z Ukrainaj važnuju časovuju ździełku. Damova z Kijevam zadavoliła b patrabavańnie Rasii ab tym, kab Ukraina nie ŭstupała ŭ NATA. Tym nie mienš, Pucin usio roŭna praciahnuŭ vajnu.
Fota: AR
Try krynicy, blizkija da rasijskaha kiraŭnictva, śćviardžajuć: pavodle Kozaka, kali b takaja damova z Kijevam była składzienaja, to Rasija mahła b spynić vajnu i nie akupoŭvać ukrainskija terytoryi. Tamu daradca Pucina rekamiendavaŭ jamu pahadzicca na damovu, piša Reuters.
Da pačatku vajny rasijski prezident nieadnarazova śćviardžaŭ, što NATA i jaho vajennaja infrastruktura nabližajucca da miežaŭ Rasii, bo prymajuć u svoj skład novyja krainy Uschodniaj Jeŭropy, i što ciapier aljans hatovy pryniać u svoj skład i Ukrainu. Pucin publična nazvaŭ heta pahrozaj dla Rasii, na jakuju jon i adreahavaŭ, kali pačaŭ bajavyja dziejańni.
Kali ž Pucin atrymaŭ ad Kozaka prapanovu damovy z Ukrainaj, jon nazvaŭ umovy ŭ joj niedastatkovymi i pažadaŭ taksama ŭklučyć u mety Rasii zachop častak ukrainskaj terytoryi. U vyniku ździełka nie adbyłasia.
Dźvie z troch krynic Reuters śćviardžajuć, što praź niekalki dzion paśla pačatku ŭvarvańnia va Ukrainu Kijeŭ pahadziŭsia na asnoŭnyja ŭmovy pahadnieńnia, i Dźmitryj Kozak rekamiendavaŭ Pucinu padpisać jaho, ale toj adchiliŭ prananovu. Treciaja krynica Reuters taksama kaža ab prapanovie ździełki i admovu Pucina, ale, pa jaje infarmacyi, heta zdaryłasia niezadoŭha da ŭvarvańnia.
Ni rasijski, ni ŭkrainski bok nie paćvierdzili Reuters aficyjna, što takaja damova sapraŭdy isnavała. Daradca kiraŭnika ofisa prezidenta Ukrainy Michaił Padalak raskazaŭ, što Rasija vykarystoŭvała pieramovy jak prykryćcio dla padrychtoŭki ŭvarvańnia, ale nie patłumačyŭ, jakoj była sutnaść pieramovaŭ.
Jašče 10—15 kiłamietraŭ, i ŭkrainskaja armija razreža chiersonskuju hrupoŭku napałam
«Ukraina niasie ciažkija straty, Rasija ździajśniaje podźvihi, Kijeŭ ukidaje fejki pra pieramohu». Jak rasijskija prapahandysty raskazvajuć pra adstupleńnie z Charkaŭskaj vobłaści
«Usie pakinuli pazicyi — i PVK, i zvyčajnaja armija, SACHR, AMAP». Rashvardziejec raspavioŭ pra ŭcioki rasijan z Bałaklei
