Błumbierh: Naftahazavyja dachody Rasii ŭpali da minimumu za apošni hod
Dachody Rasii ad ekspartu nafty i hazu ŭpali da samaha nizkaha ŭzroŭniu za apošni hod, niahledziačy na značny rost cen, śviedčać danyja spravazdačy, apublikavanaj ahienctvam «Błumbierh».
Pavodle hetych źviestak, pastupleńni ŭ rasijskuju kaznu ad prodažu vykapniovaha paliva, jakija składajuć bolš za tracinu biudžetu krainy, u žniŭni skaracilisia da 671,9 młrd rubloŭ (11,1 młrd dalaraŭ). Heta samyja nizkija pastupleńni z červienia 2021 hoda, pakazvajuć vyličeńni, zasnavanyja na infarmacyi, pradstaŭlenaj rasijskim Ministerstvam finansaŭ.
Heta na 13% mienš, čym miesiacam raniej, i na 3,4% nižej, čym hod tamu.
Heta nieminuča adbivajecca na rasijskim biudžecie. U paniadziełak Minfin daŭ spravazdaču ab vydatkach i dachodach biudžetu za studzień-žnivień hetaha hoda.
Z hetych źviestak vynikaje, što praficyt biudžetu, heta značyć roźnica pamiž dachodami i vydatkami, skłaŭ za pieršyja dzieviać miesiacaŭ hoda ŭsiaho 137 młrd rubloŭ.
Danyja pakazvajuć, što z kožnym miesiacam praficyt biudžetu źnižajecca. Kali za studzień-maj jon składaŭ amal 1,5 trłn rubloŭ, to ŭ studzieni-lipieni — užo 482 młrd.
