Na miažy Kyrhyzstana i Tadžykistana adbyłasia pierastrełka
Kyrhyzski bok abvinavaciŭ pahraničnikaŭ Tadžykistana ŭ vykarystańni minamiotaŭ. U Dušanbe pierastrełku aficyjna pakul nie prakamientavali
Na miažy Kyrhyzstana i Tadžykistana adbyłasia pierastrełka pamiž pamiežnikami, paviedamlaje ŭ Facebook kirhizskaja pamiežnaja słužba.
U viedamstvie zajavili, što ranicaj 14 vieraśnia ŭ Bułak-Bašy Batkienskaj vobłaści byli vyjaŭlenyja pamiežniki Tadžykistana, jakija zaniali bajavyja pazicyi na ŭčastku miažy ŭ parušeńnie dasiahnutych raniej damoŭlenaściaŭ.
«Ihnarujučy zakonnyja patrabavańni kyrhyzskaha boku pakinuć terytoryju, tadžykskija pamiežniki adkryli ahoń», — havorycca ŭ paviedamleńni. U adkaz kyrhyzskija pamiežniki taksama adkryli ahoń. U pamiežnaj słužbie śćviardžajuć, što tadžykski bok prymianiaje minamioty.
«Pa stanie na 09:30 (06:30 pa Minsku) 14 vieraśnia 2022 hoda pierastrełka pieryjadyčna pačynajecca i spyniajecca», — dadali ŭ pamiežnaj słužbie. Pavodle papiarednich danych, paciarpiełych z kirhizskaha boku niama. Baki praviali telefonnyja pieramovy i płanujuć vočnuju sustreču.
