Sudździa Bałabołava znoŭ asudziła žančynu, jakaja praviała akcyju na liniejcy ŭ Navapołacku
Pravaabaroncam stała viadoma, što Hanna Tukava, u jakoj jość niepaŭnahadovaje dzicia, užo tydzień znachodzicca za kratami. Učora nad dziaŭčynaj znoŭ adbyŭsia sud pavodle art. 19.11 KaAP za padpisku ŭ «Vkontaktie» na dva «ekstremisckija» kanały. Sudździa Zinaida Bałabołava pryznačyła joj 960 rubloŭ štrafu (30 bazavych vieličyniaŭ), piša «Viasna».
Pry hetym, zhodna z KaAP, administracyjny aryšt nie moža ŭžyvacca da žančyn ź niepaŭnahadovymi dziećmi. Ich navat nie mohuć zatrymlivać bolš, čym na try hadziny. Ale nasupierak zakonu Tukavu ŭtrymlivajuć za kratami ŭžo tydzień. Viadoma, što na jaje składzieny jašče adzin pratakoł za «ekstremizm».
Nahadajem, 1 vieraśnia padčas liniejki ŭ navapołackaj himnazii byŭ vystup ludziej u vajskovaj formie. Hanna na siaredzinie vystupu vyjšła z antyvajennaj akcyjaj — jana stała pierad imi i pakazała znak «viktoryja». Milicyjant vyvieŭ dziaŭčynu, sychodziła jana pad apładysmienty ludziej. A paśla zakruciŭsia represiŭny miechanizm.
Čytajcie taksama:
Što viadoma pra žančynu, jakaja zładziła antyvajennuju akcyju na liniejcy ŭ Navapołacku? Padrabiaznaści
