Likvidujecca arhanizacyja «Supolnaść palakaŭ»
Hramadskaje abjadnańnie «Supolnaść palakaŭ» (Wspólnota Polaków) znachodzicca ŭ pracesie likvidacyi. Takoje rašeńnie 7 vieraśnia pryniaŭ Viarchoŭny sud. Jamu spatrebiłasia dla hetaha ŭsiaho adno sudovaje pasiadžeńnie.
Miečysłaŭ Jaśkievič
Istcom pa spravie było Ministerstva justycyi Biełarusi. Rašeńnie sudździa Hanna Sakałoŭskaja pryniała za adno pasiadžeńnie.
Hetaja polskaja arhanizacyja ŭtvaryłasia ŭ 2017 hodzie. Jaje ŭznačaliŭ Miečysłaŭ Jaśkievič, jaki raniej byŭ staršyniom niepryznanaha ŭładami Sajuza palakaŭ. Kali na pasadzie ŭ vyniku pieravybaraŭ jaho źmianiła Anžalika Borys, jon sa skandałam syšoŭ z SPB i vyrašyŭ stvaryć ułasnuju arhanizacyju.
Sa słoŭ Borys, tady Jaśkievič zabraŭ majomaść arhanizacyi, zastaŭsia vinien SPB 30 000 jeŭra i nie daŭ spravazdaču za svaju dziejnaść ni pierad SPB, ni pierad polskimi ŭładami. Jaśkievič abviarhaje: jon ničoha nie kraŭ, a majomaść pieradaŭ stvoranaj im škole.
Arhanizacyja Jaśkieviča płanavała zajmacca padtrymkaj polskaj kultury i tradycyj polskaha naroda. Pry joj dziejničała polskaja škoła imia Jana Paŭła II, u jakoj dzieci atrymlivali dadatkovuju adukacyju. Stvaralnik zapeŭnivaŭ, što arhanizacyja apalityčnaja. Ale heta joj, jak vyhladaje, nie dapamahło.
