Staŭ viadomy łaŭreat litaraturnaj premii Anatola Iviersa
Vyznačyŭsia łaŭreat štohadovaj litaraturnaj premii imia Anatola Iviersa dla hrodzienskich aŭtaraŭ prozy i paezii, paviedamiła Biełaruskaja asacyjacyja žurnalistaŭ.
Sioletnim łaŭreatam staŭ žurnalist sa Słonima Mikoła Kananovič. Siabra arhanizacyjnaha kamiteta ŭručeńnia premii Anatola Iviersa Valancin Dubatoŭka z hetaj nahody skazaŭ:
«U hetym hodzie łaŭreatam staŭ, ja vielmi rady heta paviedamić, paet, piśmieńnik, žurnalist sa Słonima Mikoła Kananovič. Tamu što heta vydatny paet, ja liču, što nie vielmi adznačany. Bo chto ciapier adznačaje litaraturu? Ciapier u nas nadoi ŭ navucy, nadoi ŭ paezii, litaratury i va ŭsim. Tamu paezija nikomu nie cikavaja. Pa sutnaści, heta adzin z samych lepšych paetaŭ Hrodzienščyny».
Premiju imia Anatola Iviersa zasnavali siabry Hrodzienskaj abłasnoj filii Sajuza biełaruskich piśmieńnikaŭ. Jaje ŭručajuć štohod piśmieńnikam, jakija, pavodle žury konkursu, unieśli značny ŭkład u nacyjanalnuju litaraturu.
Papiarednija łaŭreaty: Antanina Chatenka, Ryčard Bialačyc, Valeryj Pietrykievič, Uładzimir Vaśko.
