«Mierźni, mierźni, voŭčy chvost». Pucin pryhraziŭ spynić pastaŭki enierharesursaŭ u ES
Uładzimir Pucin padčas Uschodniaha ekanamičnaha forumu zajaviŭ, što vajna va Ukrainie ŭmacavała suvierenitet RF, a taksama pryhraziŭ spynić pastaŭki enierhanośbitaŭ u Jeŭropu.
Skrynšot videa
Pucin padčas Uschodniaha ekanamičnaha forumu pryhraziŭ, što Rasija spynić pastaŭku enierhanośbitaŭ u Jeŭropu.
«Jość kantraktnyja abaviazacielstvy. Buduć prymacca niejkija rašeńni palityčnaha charaktaru, jakija supiarečać kantraktam? Dy my ich prosta vykonvać nie budziem. I naohuł ničoha pastaŭlać nie budziem, kali heta supiarečyć našym intaresam. U hetym vypadku, ekanamičnym. Ni haz nie budziem pastaŭlać, ni naftu, ni vuhal, ni topačny mazut, ničoha nie budziem pastaŭlać», — pryhraziŭ Pucin.
My budziem poŭnaściu vykonvać našy kantraktnyja abaviazacielstvy. Ale kali niechta pasprabuje nam niešta naviazać, to, chaču adznačyć, tyja, chto naviazvaje, nie ŭ tym stanoviščy znachodziacca siońnia, kab dyktavać nam svaju volu. Niachaj adumajucca.
Ale ŭ ekanomicy heta ŭsiudy tak, u tym liku i va ŭnutranaj ekanomicy. Kali viarnucca da tych, pra kaho vy kazali, pastaŭlać ničoha nie budziem, jak ja skazaŭ, pa-za ramkami kantraktaŭ. Ničoha naviazanaje rabić nie budziem. I nam zastaniecca tolki adno, tolki adno, jak u viadomaj ruskaj kazcy, pryhavorvać: «Mierźni, mierźni, voŭčy chvost».
Zakranajučy vajnu va Ukrainie, Pucin zajaviŭ, što Rasija ničoha nie straciła.
«Ja dumaju, što ničoha my nie stracili i ničoha nie stracim. Z punktu hledžańnia nabyćcia, mahu skazać, što hałoŭnaje nabyćcio — umacavańnie našaha suvierenitetu, i heta niepaźbiežny vynik taho, što ciapier adbyvajecca», — zajaviŭ Pucin.
Pucin čarhovy raz skazaŭ, što Rasija «ničoha nie pačała» z punktu hledžańnia vajennych dziejańniaŭ, a «sprabuje ich skončyć».
«Pačalisia vajennyja dziejańni ŭ 2014 hodzie, paśla dziaržaŭnaha pieravarotu va Ukrainie tych, chto nie chacieŭ narmalnaha, mirnaha raźvićcia i imknuŭsia da padaŭleńnia svajho ŭłasnaha naroda», — skazaŭ Pucin.
Źviarnuŭsia kiraŭnik Rasii i da biznesoŭcaŭ, zajaviŭšy, što papiaredžvaŭ ich pra mahčymaść aryštu i kanfiskacyi aktyvaŭ na Zachadzie.
«Ja papiaredžvaŭ — ja im u svoj čas kazaŭ — vy tam nabiehajeciesia, abaraniajučy svaje intaresy. U ich tam niešta aryštavali, rachunki, łodki i hetak dalej. Papiaredžvaŭ pra heta», — skazaŭ prezident Rasii.
Na jaho dumku, lepš by łodki trymali ŭ Rasii, a hrošy ŭkładvali ŭ raźvićcio rasijskaj infrastruktury». U hetym vypadku biznesoŭcy «ničoha b nie stracili, usio było b tut, na radzimie, i prybytak by atrymlivali ad układzienych hrošaj».
