Brašura «Biełaruski muziej imia Ivana Łuckieviča» viarnułasia ŭ Vilniu
Aryhinał brašury A. Łuckieviča «Biełaruski muzej im. Ivana Łuckieviča» (Vilnia, 1933) z kalekcyi Skarynaŭki viarnuŭsia ŭ Vilniu.
Kuratarka vilenskaha Biełaruskaha muzieja Paŭlina Vituščanka z padaravanaj brašuraj Łuckieviča
Jak paviedamlaje ŭ fejsbuku Skarynaŭskaja biblijateka, sioletniaja vystava «Niaskoranyja» ŭ Łondanie atrymała niečakanuju dapamohu ad vilenskaha Biełaruskaha muzeju imia I. Łuckieviča, jaki pazyčyŭ unikalnyja dakumienty i artefakty časoŭ stalinskich represijaŭ i listy siońniašnich palitviaźniaŭ.
U padziaku Skarynaŭka vyrašyła padaravać vilenskamu Biełaruskamu muzieju aryhinał brašury Antona Łuckieviča «Biełaruski muzej im. Ivana Łuckieviča» (Vilnia, 1933). U brašury Anton Łuckievič apisvaje ŭnikalnuju kalekcyju muzeju, jakaja na toj čas naličvała kala 200 archieałahičnych znachodak z terytoryi Biełarusi ad časoŭ palealitu, piačatki połackich kniazioŭ CHI-CHII stst., rukapisnaje Jevanhielle CHIV ct. z Navahradčyny, častku pražskaj Biblii Skaryny 1517 h., Statut Vialikaha Kniastva Litoŭskaha 1588 h., knihazbor z 14 tysiačaŭ knih, kaštoŭnyja pradmiety etnahrafii, mastactva, dy inš. Muziej byŭ likvidavany savieckimi ŭładami ŭ 1944 h. i padzieleny pamiž ustanovami kultury LitSSR i BSSR, častka kalekcyi była vyviezienaja ŭ Maskvu. Ciapierašni Biełaruski muzej imia Ivana Łuckieviča u Vilni, adnoŭleny ŭ 2001 h. namahańniami vilenskich biełarusaŭ, adradžaje vilenskuju muziejnuju tradycyju.
