«Kamiendant» akupavanaha Biardzianska pamior u balnicy
Pra toje, što padarvany siońnia ŭ svajoj mašynie Arciom Bardzin, «kamiendant» akupavanaha rasijskimi vojskami Biardzianska Zaparožskaj vobłaści, pamior u balnicy, paviedamiŭ u svaim telehram-kanale rasijski prapahandyst Juryj Kacionak.
Akupacyjnyja ŭłady Zaparožskaj vobłaści aficyjna paćvierdzili śmierć vysokapastaŭlenaha akupacyjnaha čynoŭnika.
Aŭtamabil, u jakim znachodziŭsia Bardzin, padarvali ŭ Biardziansku siońnia dniom.
Paśla vybuchu pastupali źviestki ab pierastrełcy, adnak Uładzimir Rohaŭ (raniej jon uvachodziŭ u «vajskova-hramadzianskuju administracyju» Zaparožskaj vobłaści, a ciapier rasijskija infarmahienctvy pradstaŭlajuć jaho jak kiraŭnika abjadnańnia «My razam z Rasijaj») paviedamiŭ TASS, što nasamreč u mašynie Bardzina vybuchnuŭ bojekamplekt.
