Ukraina papiaredziła žycharoŭ akupavanych Rasijaj terytoryj pra kryminalnuju adkaznaść za ŭdzieł u «refierendumach»
Ukraincam pahražaje da 12 hadoŭ pazbaŭleńnia voli za ŭdzieł u «refierendumach» ab abjadnańni z Rasijaj na akupavanych joju terytoryjach. «Kali budzie dakazanaje kałabaranctva, abo, da prykładu, udzieł u refierendumie, abo padachvočvańnie da ŭdziełu ŭ refierendumie, to ludzi mohuć atrymać da 12 hadoŭ z kanfiskacyjaj», — zajaviła vice-premjerka Iryna Vieraščuk.
Iryna Vieraščuk
Pry hetym jana zaklikała ukraincaŭ evakujavacca z akupavanych terytoryj. Vieraščuk taksama adznačyła, što kali evakujavacca niemahčyma, to lepš nie ŭdzielničać u «hałasavańni ni pad jakim ciskam, nijakim hvałtoŭnym prymusam».
Vieraščuk upeŭnienaja, što na «refierendumy», kali jany adbuducca, u akupavanych Chiersonskaj i častcy Zaparožskaj abłaściej pryjdzie mienš za 2% žycharoŭ, jakija tam zastalisia.
Rasijskija vajskoŭcy ciapier kantralujuć častku Zaparožskaj vobłaści Ukrainy, u tym liku harady Mielitopal i Enierhadar, a taksama Chiersonskuju vobłaść, Łuhanskuju vobłaść i bolšuju častku Danieckaj. U akupacyjnych «vajskova-hramadzianskich administracyjach» zajavili pra płany nieŭzabavie pravieści refierendumy ab dałučeńni da Rasii.