Jakuju partu vybirajecie dla siabie? Heta šmat pra vas kaža
Pačatak navučalnaha hoda — dobraja nahoda ŭspomnić pra svoj ułasny školny vopyt. Kali b vy zaraz apynulisia ŭ školnym kłasie, jakuju b partu vybrali dla siabie? Adkaz na hetaje pytańnie moža raskryć pra vas niešta cikavaje.
Kožny naš vybar maje značeńnie i redka byvaje vypadkovym. Časta my nie razumiejem, čamu prymajem tyja ci inšyja rašeńni, ale takija drobiazi mohuć šmat kazać pra čałavieka, piša onet.pl.
Naprykład, navat toje, jakuju partu ŭ škole my b vybrali, taksama mahło b šmat pra vas patłumačyć. Kab viedać usio dakładna, prajdzicie test, jaki my vam prapanujem, ale ž nie staŭciesia da jaho zanadta surjozna.
Pahladzicie na vyjavu kabinieta vyšej i vybierycie partu dla siabie, a potym pračytajcie pad anonsami tłumačeńnie da vašaha vybaru.
Vybierycie dreva na malunku i spaznajcie niešta novaje pra siabie
Chočacie daviedacca, što toić vaša padśviadomaść? Prajdzicie hety TEST
Znajdzicie na malunku paru, jakaja adroźnivajecca ad inšych
Parta №1
Hetaje miesca zvyčajna vybirajuć vielmi ambicyjnyja i skancentravanyja na mecie ludzi. Tut siadziać upartyja i pracavityja, časam nie nadta talenavityja, ale duža metanakiravanyja ludzi. Kali vy vybrali hetuju partu, vy vielmi aptymistyčny čałaviek, vy stanoŭča hladzicie na žyćcio i vierycie ŭ svoj pośpiech. Vy nie lubicie chvalavacca i rabić zmročnyja prahnozy na budučyniu. Ludzi vas lubiać, bo vy dobry i pracavity čałaviek.
Parta №2
Vybar hetaj party ŭkazvaje na toje, što vy — uraŭnavažany i razvažlivy čałaviek. Vy viedajecie, jak zachoŭvać bałans u žyćci i nie pierachodzić u krajnaści. U škole vy zaŭsiody razumieli, što jość čas dla vučoby, a jość — dla hulniaŭ, i što časam možna pažartavać z nastaŭnikam, a časam lepiej pramaŭčać. U vas cudoŭnaja intuicyja, vy dobra razumiejecie, jak uładkavany śviet, i možacie prystasavacca da hetych praviłaŭ, adno ź jakich nastupnaje: časam možna šmat pracavać, a časam — viesialicca. Vy vielmi prystojny čałaviek i nie pakidajecie biez uvahi nivodnuju śfieru žyćcia.
Parta №3
Treciaja parta naležyć žartaŭnikam i ludziam, jakija časta lotajuć u abłokach. Vy šmat marycie i mała žyviacie ŭ realnym śviecie. Vy adkryty i havarlivy čałaviek, vy lubicie ludziej, šmat śmiejaciesia i lohka staviciesia da žyćcia. U škole, imavierna, vy časta spaźnialisia, zabyvali padručniki i atrymlivali zaŭvahi ad nastaŭnika za toje, što nie słuchali jaho. Vy lohka natchniajeciesia čymści, ale taksama možacie chutka stracić cikaŭnaść. Vy časta prydumlajecie novyja mety, ad jakich praź niejki čas admaŭlajeciesia. Vy žyviacie ciapierašnim i nie turbujeciesia pra budučyniu.
Parta №4
Hetuju partu vybirajuć pierfiekcyjanisty. Kali heta vaš vypadak, vy lubicie spaborničać i zaŭsiody žadajecie być lepš za inšych. U škole vy rychtavali zadańnie pa načach, kab pakazać siabie vydatna na fonie inšych vučniaŭ. Vy vielmi ambicyjny čałaviek i možacie być biaźlitasnym u dasiahnieńni svaich metaŭ. Taksama vy vielmi adkazny i metanakiravany čałaviek, jaki šmat čakaje ad siabie i ad inšych. Vy nie tracicie svoj čas na toje, što niedastatkova dobraje dla vas. Vierahodna, vy mahli vieści siabie hruba ź mienš talenavitymi ci bolš słabymi adnakłaśnikami, niekatoryja ź ich navat mahli vas bajacca.
