Doktarku z 30-hadovym stažam asudzili da kałonii i vialikaha štrafu
U Minskim haradskim sudzie 1 vieraśnia asudzili pa «spravie Zielcera» palitźniavolenuju Natallu Nikicinu, jakaja amal 30 hadoŭ adpracavała lekarkaj.
Natalla Nikicina. Fota z pryvatnaha archiva
Za kamientaryi ŭ sacsietkach jaje pryznali vinavataj pavodle art. 369 (abraza pradstaŭnika ŭłady) i č. 1 art. 130 Kryminalnaha kodeksa (raspalvańnie inšaj sacyjalnaj varožaści). Sudździa Valancina Ziańkievič pryznačyła Natalli adzin hod i 10 miesiacaŭ pazbaŭleńnia voli, a taksama štraf u 200 bazavych vieličyń (6400 rubloŭ), paviedamlaje «Viasna».
Žančynu zatrymali 29 vieraśnia 2021 hoda naŭprost na pracy — u Minskim centry dziciačaj psichijatryi i psichaterapii. Za niekalki hadzin da zatrymańnia joj paviedamili pra zvalnieńnie. Natallu zatrymali pa kryminalnaj spravie, zaviedzienaj za kamientaryi ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka i it-śpiecyjalista Andreja Zielcera.
Za kratami ŭ žodzinskaj turmie jaje ŭtrymlivali amal 11 miesiacaŭ. U Natalli dvoje synoŭ.
