U Zelvienskim rajonie «Aŭdzi» źlacieła ŭ kiuviet, u jakim byli ludzi
1 vieraśnia ŭ Zelvienskim rajonie na trasie R-99 «Baranavičy—Vaŭkavysk—Pahraničny—Hrodna» adbyłosia DTZ sa śmiarotnym zychodam. Mašyna Audi Q7 źjechała z darohi ŭ kiuviet, u hety čas tam akurat znachodzilisia dva rabotniki lashasa.
«Kala 12 hadzin dnia 53-hadovaja kiroŭca aŭtamabila «Aŭdzi» ruchałasia z boku haradskoha pasiołka Zelva. Pierad joj jechaŭ aŭtamabil «Folksvahien» i dalej fura. Žančyna vyjechała na pałasu sustrečnaha ruchu i pačała abhaniać aŭtamabili, ale kiroŭca «Folksvahiena» taksama pajšoŭ na abhon śpieradu fury», — paviedamili ŭ UUS Hrodzienskaha abłvykankama.
Žančyna spałochałasia, źjechała na ŭzbočynu i vylecieła ŭ kiuviet. A tam jakraz znachodzilisia dva rabotniki lashasa, jakija patrapili pad aŭtamabil. 49-hadovy mužčyna pamior, a jaho 37-hadovaha kalehu ź pierałomami noh dastavili ŭ balnicu.
Usie abstaviny zdareńnia, u tym liku pryčyny avaryi, vyśviatlajucca.
