Zatrymali alpinista — za toje, što braŭ z saboj u zamiežnyja vandroŭki bieła-čyrvona-bieły ściah
Miarkujučy pa ŭsim, heta adbyłosia dniami.
Fota: sacsietki
Mužčynu kličuć Vadzim Ślivinski, i jamu 38 hadoŭ. Jon dyrektar TAA «Mussort», jakoje zajmajecca pierapracoŭkaj roznych adkidaŭ — u hetym biznesie jon kala dziesiaci hadoŭ.
Biznesoviec zachaplajecca roznymi ekstremalnymi vidami sportu. Zajmaŭsia ekstremalnaj jazdoj pa biezdarožžy, udzielničaŭ u zimnich rovarnych zajezdach, chadziŭ u hory, hulaje ŭ piejntboł. Taksama Vadzim lubić padarožničać.
Adna z vandrovak. Fota: staronka ŭ sacsietcy Vadzima
U zamiežnyja vandroŭki mužčyna braŭ z saboj bieła-čyrvona-bieły ściah. U videa siłavikoŭ jon kaža, što braŭ jaho, kali skaraŭ Elbrus, a taksama va Uźbiekistan i Kirhiziju padčas vandrovak u hory i fatahrafavaŭsia ź im. Praŭda, heta całkam lehalna, i ŭ čym kankretna pretenzija siłavikoŭ — tajamnica.
Ci pradjaŭlenyja mužčynu niejkija abvinavačańni, nie paviedamlajecca.
Čytajcie jašče:
Zatrymali žonku palitviaźnia Anatola Łatuški
U Breście zatrymany muzyka Siarhiej Nikiciuk
