26 lutaha Chrenin dryžačym hołasam zvaniŭ ministru abarony Ukrainy z prapanovaj ab kapitulacyi
Amierykanskaje vydańnie The Washington Post vypuściła materyjał pra abaronu stalicy Ukrainy na samym pačatku vajny. Siarod inšaha, vydańnie piša, što 26 lutaha kiraŭniku Ministerstva abarony Ukrainy Alaksieju Reźnikavu patelefanavaŭ kiraŭnik Minabarony Biełarusi Viktar Chrenin, źviartaje ŭvahu telehram-kanał «Biełaruski Hajun».
Viktar Chrenin
U razmovie Chrenin «dryhotkim hołasam» skazaŭ, što «pieradaje pasłańnie «ministra abarony RF Siarhieja Šajhu: «Kali Ukraina padpiša akt ab kapitulacyi, uvarvańnie spynicca».
U adkaz Reźnikaŭ skazaŭ: «Ja hatovy pryniać kapitulacyju rasijskaha boku».
U materyjale taksama zhadvajecca i papiaredniaja razmova Chrenina z Reźnikavym napiaredadni ŭvarvańnia — 22 lutaha. Tady Chrenin, «daŭšy słova aficera», zapeŭnivaŭ, što nastupu z terytoryi Biełarusi nie budzie.
«I jon chłusiŭ», — paviedamiŭ vydańniu kiraŭnik ukrainskaha vajennaha viedamstva.
