Azaronak skłaŭ biełaruski «śpis Duhinaj»
Prapahandyst Ryhor Azaronak u telehram-kanale ŭ dapamohu rasijskim prapahandystam skłaŭ śpis biełarusaŭ, jakija, ź jaho punktu hledžańnia, niapravilna adreahavali na śmierć Darji Duhinaj.
Pavodle Azaronka, u Rasii skłali svoj «śpis Duhinaj». U jaho ŭvajšli tyja, chto «ździekavaŭsia z pakutnickaj śmierci dziaŭčyny». Azaronak ličyć jaho niapoŭnym bieź biełaruskich proźviščaŭ. «Darahija biełarusy, braty-rasijanie, zapisvajcie», — zaklikaŭ Azaronak.
Voś proźviščy tych, čyje vykazvańni nie spadabalisia Azaronku, jaki, jak jon pryznajecca, «uvažliva sačyŭ», chto što piša.
Siarhiej Biaspałaŭ
Jan Rudzik
Mikałaj Chalezin
Ściapan Puciła
Siarhiej Charytonaŭ
Arciom Harbacevič
Kalektyŭnaja «tutbajka» (Kirył Vałošyn)
Natalla Radzina
Kalektyŭny «Biełsat» (Ahnieška Ramašeŭskaja-Huzy)
Kaciaryna Jerusalimskaja («Małanka»)
Dźmitryj Łukašuk i Pavieł Śviardłoŭ
Michaił Iljin
Anton Matolka
Anastasija Rahatko
Anastasija Suhak
Anatol Kotaŭ
Ale heta nie ŭvieś śpis. Azaronak pryvodzić imiony tych, chto ničoha aburalnaha, ź jaho punktu hledžańnia, nie skazaŭ, ale, jak jon miarkuje, «dumajuć jany toje samaje, što pryviedzienyja vyšej piersanažy». Heta Arciom Šrajbman, Siarhiej Čały, Juryj Drakachrust, Franak Viačorka, Valeryj Karbalevič i Pavieł Łatuška.
Što čakaje tych, chto trapiŭ u tak zvany «śpis Duhinaj», nie paviedamlajecca.
Ryhora Azaronka łukašenkaŭcy vykarystoŭvajuć dla raspalvańnia varožaści da palityčnych praciŭnikaŭ, nacyjanalnych i relihijnych mienšaściej. Ën naviedvaŭ i akupavanyja terytoryi Ukrainy.
Aŭtamabil z Darjaj Duhinaj byŭ uzarvany ŭviečary 20 žniŭnia ŭ rajonie pasiołka Vialikija Viaziomy Maskoŭskaj vobłaści. Žančyna zahinuła na miescy.
Darja Duhina — dačka viadomaha rasijskaha prapahandysta Alaksandra Duhina, fiłosafa-nieanacysta i ideołaha rasijskaha impieryjalizmu. Jon, jak i jaho dačka, byli adnymi z tych, chto zaklikaŭ da vajny z Ukrainaj, jany nie ličyli ukraincaŭ nacyjaj i admaŭlali Ukrainie, jak i Biełarusi, u pravie na niezaležnaść.
Jak dziaržaŭnyja ŚMI adreahavali na słovy Pucina, što «niezaležnych Ukrainy i Biełarusi być nie pavinna»
Azaronak i Piatroŭski: Nam treba čyrvona-karyčnievaja Rasija. Aby nie było vajny — heta łozunh dla žančyn
