Kudy źnik Makiej? Vyhladaje, adpačyvaŭ nie na samym prestyžnym kurorcie
Apošniaja zhadka pra Makieja na sajcie Ministerstva zamiežnych spraŭ datujecca 29 lipienia. Amal miesiac cišynia — redkaść dla čynoŭnika takoha ranhu. Kudy jon padzieŭsia? Vyhladaje, što pravodziŭ adpačynak ź siamjoj u miescy, dalokim ad mejnstrymnych kirunkaŭ.
Fota: staronka ŭ instahramie Viery Makiej-Palakovaj
Kalehi Makieja skazali nam, što jon byŭ u płanavym adpačynku. Ale dzie?
Adkaz možna znajści ŭ instahramie, na staroncy žonki Makieja. Viera Palakova pościła fota sa svajho adpačynku z hieateham Bilhiacha. Heta kurortny haradok na Apšeronskim paŭvostravie na Kaśpijskim mory ŭ Azierbajdžanie. Daloka nie samy prestyžny kurort. Ale što rabić, kali Jeŭropa dla Makieja ciapier začynienaja?
Choć jeŭrapiejcy i ličać Uładzimira Makieja datyčnym da arhanizacyi kanałaŭ niezakonnaj mihracyi ŭ ES i padaŭleńnia hramadstva, Makiej nie źjaŭlajecca padsankcyjnaj asobaj — ministru zamiežnych spraŭ kalidor pakidajuć adčynienym dla viadzieńnia dyjałohu. Ale pajechać na adpačynak na dobry kurort siamja Makieja nie moža — łukašenkaŭcam ciapier heta zabaraniaje sistema. Dla adpačynku im rekamiendujuć ciapier tolki «siabroŭskija krainy», Azierbajdžan siarod ich.
a kakaja u nieje piervaja familija? polakova? rośsii značit prinadležit
nu łatužka ž stał, kak ni stranno, dla mnohich svoim...