Zialenski pra «dypłamatyčnaje akno» dla pieramovaŭ z Rasijaj: U hetym «aknie» ruskaja zbroja, chaj spačatku vyzvalać terytoryi
Prezident Ukrainy Uładzimir Zialenski paśla sustrečy z prezidentam Turcyi skazaŭ, što pakul nie bačyć «dypłamatyčnaha akna» dla pieramovaŭ z Rasiejaj ab spynieńni vajny, niahledziačy na toje, što tak zvanaje zbožžavaje pahadnieńnie zapracavała.
Pa słovach Zialenskaha, Erdahan padčas pieramovaŭ skazaŭ, što charčovaja inicyjatyva pa eksparcie ŭkrainskaha zbožža daje «dypłamatyčnaje akno» damoŭlenaściam adnosna budučaha spynieńnia vajny.
«Ja vykazaŭ svajo mierkavańnie spadaru prezidentu Turcyi, što Rasijskaj Fiederacyi niama viery. Ja liču, što ŭ hetym «aknie» ruskaja zbroja. Vielmi ździŭleny, što jany (RF) «hatovyja» da niejkaha miru.
Nie mohuć ludzi, jakija zabivajuć, hvałciać, štodnia kryłatymi rakietami bjuć pa našych cyvilnych haradach, hramadzianskaj infrastruktury — nie mohuć chacieć miru. Tamu spačatku, mnie zdajecca, jany pavinny vyzvalić našy terytoryi, a potym… Potym budzie potym», — skazaŭ Zialenski.
Jak paviedamlałasia, prezident Turcyi Redžep Taip Erdahan padkreśliŭ nieabchodnaść damahčysia dypłamatyčnaha ŭrehulavańnia pamiž Ukrainaj i Rasiejaj — dla hetaha, na jahonuju dumku, varta viarnucca da pieramovaŭ na asnovie sakavickich damoŭlenaściaŭ u Stambule. Jon taksama skazaŭ, što Zialenski taksama zhodny z tym, što vajna rana ci pozna budzie zaviaršacca za stałom pieramovaŭ.
18 žniŭnia prezident Ukrainy Uładzimir Zialenski pravioŭ u Lvovie dvuchbakovuju sustreču z prezidentam Turcyi Redžepam Taipam Erdahanam, a taksama sustreŭsia razam ź im z hienieralnym sakratarom AAN Antoniu Huteryšam.
Čytajcie taksama:
CNN Türk: Rasija źmiakčaje ŭmovy, pry jakich hatovaja sieści za stoł pieramovaŭ z Ukrainaj
«Važki mesedž padtrymki». Zialenski raskazaŭ pra vyniki pieramovaŭ z Erdahanam
