Pasoł Šviecyi ŭ Biełarusi źmienicca
Pasoł Šviecyi ŭ Biełarusi Kryścina Juchaniesan pakinuła krainu ŭ suviazi sa skančeńniem kadencyi.
«Darahija siabry, učora ja pakinuła Biełaruś i viarnułasia ŭ Stakholm. Tak, pralacieła cełych piać hod z momantu pryjezdu ŭ Minsk (zusim nie vierycca!) i termin majoj dypłamatyčnaj słužby ŭ jakaści Pasła Šviecyi, na žal, padyšoŭ da svajho zaviaršeńnia», — havorycca ŭ jaje zvarocie, raźmieščanym na fejsbuk-staroncy pasolstva.
«Niahledziačy na toje, što hetyja piać hod nie zaŭsiody byli zachaplalnaj i viasiołaj vandroŭkaj, byli i składanyja momanty, adnak ja zaŭsiody i paŭsiul adčuvała nadziejnuju padtrymku kamandy pasolstva, jakaja dapamahła mnie pieraadoleć usie składanaści. Uspaminy pra Biełaruś, jakuju ja za hety čas ščyra palubiła, buduć sahravać mianie doma. I ja, kaniečnie ž, budu pa vas usich sumavać… Siońnia ja kažu «da pabačeńnia», ale nie raźvitvajusia! Upeŭnienaja, što abaviazkova viarnusia ŭ Biełaruś, moža, nastupnym razam u jakaści hości. I taksama budu rada bačyć vas u Šviecyi!» — adznačyła Juchaniesan.
Dypłamatka pracavała na pasadzie pasła z 2017 hoda.
