ISW: Rasijskija vajskoŭcy hublajuć upeŭnienaść u biaśpiecy Kryma
U svajoj čarhovaj spravazdačy ab stanoviščy spraŭ na froncie amierykanski Instytut vyvučeńnia vajny robić vysnovu, što kiraŭnictva vojska RF «pa ŭsioj vierahodnaści, usio bolš hublaje ŭpeŭnienaść u biaśpiecy Kryma paśla niadaŭnich ukrainskich udaraŭ pa rasijskich vajskovych abjektach» na paŭvostravie, piša BBC.
U apošnija tydni adbylisia mahutnyja vybuchi na rasijskim vajskovym aeradromie ŭ Novafiodaraŭcy kala kurortnaha horada Saki i na składzie bojeprypasaŭ u vioscy Majskaje pad Džankojem. Da hetaha napadu byŭ padvierhnuty štab Čarnamorskaha fłotu ŭ Sievastopali.
Pavodle acenak ISW, u adkaz na napady rasijskija siły byli pieraviedzienyja ŭ stan pavyšanaj hatoŭnaści i źviedali restrukturyzacyju. U tym liku ekśpierty instytuta pišuć sa spasyłkaj na ŭkrainskuju vajskovuju raźviedku, što armija RF pierasunuła svaje samaloty ŭhłyb terytoryi Kryma abo na aeradromy, raźmieščanyja ŭ Rasii.
