Kandydataŭ u načalniki chočuć praviarać praź sistemu raspaznavańnia asob
Hazieta «Vieśnik Mahilova», orhan Mahiloŭskaha harvykankama, piša, što prahramny pradukt Facial recognition technology (FRT) nibyta ciapier znachodzicca ŭ stadyi abkatki i amal hatovy dla vykarystańnia.
Sens novaj vynachodki taki, što pry prachodžańni asablivaj pravierki na pasadu ŭ luboj dziaržustanovie abo pavyšeńni, kandydat pierad palihrafam (u vypadku, kali jon prymianiajecca) budzie praviaracca pa bazie, asnoŭnaja zadača jakoj — vyjavić fakt prysutnaści čałavieka na pratesnych mierapryjemstvach.
Vykazvajecca spadziavańnie, što takija pravierki minimizujuć šancy dla traplańnia ŭ šerahi dziaržsłužačych «niadobranadziejnych» kandydataŭ.
Pakul nie nazvany raspracoŭščyk praduktu, adnak kansultavańnie, piša vydańnie, ažyćciaŭlaje šerah rasijskich raspracoŭščykaŭ padobnych praduktaŭ, siarod jakich i tyja, chto padtrymlivajuć pracu softu ad NtechLab.
Raniej u masavym apaznavańni pratestoŭcaŭ abvinavačvali sistemu, raspracavanuju kampanijaj «Siniezis», ale ciapierašniaja infarmacyja ab pryciahnieńni da raspracoŭki rasijskich kampanij, padobna, nie paćviardžaje hetaha.
