Tradycyja vyrabu čoŭna na Paleśsi atrymała status niemateryjalnaj historyka-kulturnaj kaštoŭnaści
Respublikanskaja navukova-mietadyčnaja rada pa pytańniach historyka-kulturnaj spadčyny adnahałosna padtrymała prapanovu, jakuju zrabiŭ «Nacyjanalny park «Prypiacki», paviedamiła Ministerstva kultury.
Žyvaja spadčyna vyrabu prypiackaha čoŭna zachoŭvajecca ŭ vioscy Pieraroŭ Žytkavickaha rajona Homielskaj vobłaści.
«Supolnaść vioski Pieraroŭ ličyć čoŭnadaŭbleńnie častkaj svajoj kulturnaj spadčyny, jakaja pieradajecca z pakaleńnia ŭ pakaleńnie i źjaŭlacca faktaram farmavańnia łakalnaj identyčnaści hetaj supolnaści: jany jašče pamiatujuć sa słoŭ starejšaha pakaleńnia, što čovien byŭ nieabchodnym vodnym transpartam u kožnaj siamji, bo vioska znachodzicca na bierazie Prypiaci i štohod padčas viesnavych raźlivaŭ «płavała», pakul nie pabudavali dambu», — adznačajecca ŭ kanale Ministerstva kultury.
Inicyjatyva ab nadańni tradycyi vyrabu čoŭna ŭ Pierarovie statusu niemateryjalnaj historyka-kulturnaj kaštoŭnaści pachodziła ad načalnika navukovaha adździeła «Nacyjanalny park «Prypiacki» Andreja Biaspałaha. Prypiackija čoŭny vykarystoŭvajucca ŭ spabornictvach padčas fiestyvalu etnakulturnych tradycyj «Klič Paleśsia», adnym z arhanizataraŭ jakoha źjaŭlajecca Nacyjanalny park.
Tradycyja vyrabu čoŭna stanie 164-j niemateryjalnaj historyka-kulturnaj kaštoŭnaściu ŭ adpaviednym śpisie.
Čytajcie taksama:
Majstry, jakija vyrablajuć čaŭny, jašče nie pieravialisia na Paleśsi
