Stvaryli «darožnuju kartu» pa pavyšeńni jakaści školnych padručnikaŭ
Pra stvareńnie takoj «darožnaj karty» paviedamlaje BIEŁTA sa spasyłkaj na Ludmiłu Ramanoŭskuju, namieśnicu dyrektara Nacyjanalnaha instytuta adukacyi pa mietadyčnaj rabocie. Hetaje pytańnie, pavodle jaje, znachodzicca na pastajannym kantroli Minadukacyi.
Na asnovie analizu padručnikaŭ viadziecca praca pa likvidacyi ich niedachopaŭ. Dla hetaha ładziacca dyjałohavyja placoŭki z udziełam kiraŭnictva viedamstva, aŭtaraŭ vučebnych dapamožnikaŭ, piedahohaŭ i recenzientaŭ, pradstaŭnikoŭ VNU.
Hałoŭnaj temaj u ramkach takich abmierkavańniaŭ vystupajuć pytańni ŭdaskanaleńnia školnych prahram, mietadyčnaj padtrymki nastaŭnikaŭ va ŭmovach abnaŭleńnia źmiestu padručnikaŭ, adpaviednaści abjomu materyjału dla adnaho ŭroka.
Na asnovie prapanoŭ, jakija prahučali ŭ ramkach takich dyjałohavych placovak, byŭ sfarmavany płan mierapryjemstvaŭ pa «pavyšeńni jakaści» padručnikaŭ — tak zvanaja «darožnaja karta». A ź vieraśnia budzie zapuščany i pastajanny sieminar pa ŭdaskanalvańni padručnikaŭ.
