Dom-muziej I źjezda RSDRP u Minsku źmianiŭ koler
Dom-muziej I źjezda RSDRP, jaki znachodzicca niedaloka ad Parka Horkaha, zvykła bačyć zialonym. Ale dniami zialonaja farba sa ścien budynka źnikła. Dziaržaŭnaje ahienctva «Minsk-Naviny» daviedałasia, z-za čaho heta adbyłosia.
U muziei pačaŭsia ramont. Jak rastłumačyŭ zahadčyk filijała Siarhiej Rečkin, tradycyjny zialony koler budynku nieŭzabavie viernuć: užo ŭ vieraśni jon znoŭ nabudzie zvykły źniešni vyhlad. Padčas ramontu taksama adnoviać dekaratyŭnyja elemienty kanca XIX stahodździa.
Dom-muziej I źjezda RSDRP na bierazie Śvisłačy — adzin z najstarejšych muziejaŭ Minska, jon uniesieny ŭ Dziaržaŭny śpis historyka-kulturnych kaštoŭnaściej jak pomnik historyi. U 1898 hodzie ŭ hetym budynku była zasnavana Rasijskaja sacyjał-demakratyčnaja rabočaja partyja, jakaja praz 5 hadoŭ, u 1903 hodzie, raskałołasia na balšavickuju i mienšavickuju frakcyi.
