Stali viadomyja imiony piłotaŭ, jakija zahinuli ŭčora ŭ Słonimie
Siarod piłotaŭ, jakija zahinuli pry padzieńni samalota 13 žniŭnia, byŭ Siarhiej Doŭhal, dyrektar lotnaj škoły VRP Avia. Jon byŭ u avijacyi z 1984 hoda i nalotaŭ zvyš 3200 hadzin. Pra heta na svajoj staroncy ŭ Fejsbuku napisała śpiavačka Anastasija Cichanovič.
Siarhiej Doŭhal (u centry) z Alaksandram Cichanovičam i Jadvihaj Papłaŭskaj
Siarhiej Doŭhal zasnavaŭ dabračynny fond dapamohi dzieciam i darosłym invalidam, jakija pražyvajuć u psichanieŭrałahičnych internatach, i ludziam z abmiežavanymi mahčymaściami imia narodnaha artysta Biełarusi Alaksandra Cichanoviča «Śpiras».
U subotu padčas śviatkavańnia 770-hodździa Słonima raźbiŭsia lohkamatorny samalot, jaki rabiŭ prahułačnyja paloty. Zahinuli dva piłoty.
Druhim zahinułym piłotam, pavodle źviestak vydańnia «Zierkało», byŭ Uładzimir Fiłon, jaki adkazvaŭ za biaśpieku palotaŭ i navihacyju.
Čytajcie taksama:
U Słonimie padčas śviata horada raźbiŭsia aerapłan. Ekipaž zahinuŭ
