Zialenski paviedamiŭ pra «dobryja naviny» na poŭdni
Prezident Ukrainy Uładzimir Zialenski ŭ viačernim zvarocie adznačyŭ «dobryja naviny» ab źniščeńni sił i srodkaŭ akupantaŭ na poŭdni.
«Baraćba na poŭdni krainy daje dobryja naviny pra źniščeńnie sił i srodkaŭ rasijskaj armii. Ni dnia nie hublajem — pamianšajem patencyjał akupantaŭ».
Zialenski taksama adznačyŭ, što na Danbasie praciahvajucca žorstkija bai.
«Samyja haračyja punkty frontu na hetym napramku bieź źmianieńniaŭ — Aŭdziejeŭka, Marjinka, Piaski, Bachmut i ŭvieś adpaviedny napramak. Rasija adpraviła tudy prosta kałasalny abjom svaich vajennych resursaŭ — artyleryja, technika, ludzi. Usie našy abaroncy tam — prosta hieroi», — skazaŭ jon.
U Charkaŭskaj vobłaści, pa słovach Zialenskanha, «ukrainskaja abarona mocnaja, i sproby akupantaŭ atakavać pastajanna pravalvajucca».
U subotu kiraŭnik Mikałajeŭskaj AVA Vital Kim paviedamiŭ, što ŭvieś kirujučy skład rasijskich akupacyjnych vojskaŭ na poŭdni Ukrainy pieramiaščajecca na levy bierah Dniapra.
