Znajści
Ałharytmičny łacinski varyjant
13.08.2022 / 13:191RusŁacBieł

U telehramie źjaviŭsia BČB-emodzi. Ale jość niuans

U telehramie paśla abnaŭleńnia źjaviŭsia doŭhačakany BČB-emodzi. Praŭda, pastavić BČB-ściažok zmohuć nie ŭsie.

«Naša budučaje abnaŭleńnie voś-voś zrobić revalucyju ŭ tym, jak ludzi vykazvajuć siabie ŭ paviedamleńniach», — mienavita tak apisaŭ novuju viersiju Telegram jaho stvaralnik Pavieł Duraŭ.

12 žniŭnia karystalniki Telegram atrymali novaje abnaŭleńnie viersii 8.9, dziakujučy jakomu zapuściłasia adkrytaja płatforma emodzi, dzie kožny moža stvaryć i zahruzić ułasny nabor z unikalnym stylem i piersanažami.

«Novyja animavanyja emodzi možna dadavać u tekst paviedamleńniaŭ i podpisy da fajłaŭ, tym samym napaŭniajučy vašy čaty jaskravymi emocyjami», — tak kamientujecca abnaŭleńnie na aficyjnym sajcie.

Ale jość niuans, bo dasyłać takija animavanyja emodzi mohuć tolki karystalniki Telegram Premium, — admysłovaj padpiski, jakuju telehram anansavaŭ u papiarednim abnaŭleńni. Hetaja padpiska, pa słovach Durava, «zapuściła novuju, aryjentavanuju na karystalnika eru ŭ historyi sacyjalnych sietak». Padpiska pavinna pakryć vydatki na ŭtrymańnie miesiendžara, a ŭzamien padpisanty atrymlivajuć šerah dadatkovych funkcyj.

Plon pracy raspracoŭščykaŭ prahramy ŭžo demanstruje siabie. Adzin z čytačoŭ «Našaj Nivy» dasłaŭ u redakcyju paviedamleńnie z BČB-emodzi i padzialiŭsia spasyłkaj na nabor, jaki kožny padpisant Telegram Premium moža dadać sabie i vykarystoŭvać jaho jak u pryvatnych paviedamleńniach, supołkach, tak i dopisach na ŭłasnym kanale. Nabor z unikalnym emodzi dasiažny pa spasyłcy.

Nahadajem, u žniŭni 2020 hoda raspracoŭščyki Telegram aficyjna dadali animacyju da emodzi dziaržaŭnaha ściaha Biełarusi (čyrvona-zialonaha). Pry ŭstaŭcy emodzi ŭ tekst źjaŭlajecca animacyja ź bieł-čyrvona-biełym ściaham. Ale samo čyrvona-zialonaje emodzi nie mianiałasia: kali ŭ paviedamleńni akramia emodzi byŭ jašče niejki tekst, ściah tak i zastavaŭsia čyrvona-zialonym.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
42
Панылы сорам
6
Ха-ха
8
Ого
3
Сумна
3
Абуральна
11
3
belariy/adkazać/
13.08.2022
to bok, kali ja pravilna razumieju, biełarusy pavinny pakul što jašče płacić hrošy za toje, kab być biełarusami ?? 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031