Zabaranili ŭjezd u Biełaruś žurnalistcy Maryi Barzunovaj. A ŭ Rasii jana «inšaahient» za pieravody ź Biełarusi
Maryja ŭ 2020 hodzie jak karespandrentka telekanała «Dožd́» aśviatlała biełaruskija pratesty, a paśla vypuściła film «Strana v izhnanii» pra tych biełarusaŭ, jakija źjechali ad palityčnaha pieraśledu. Pra zabaronu naviedavańnia Biełarusi jana paviedamiła ŭ svaim telehram-kanale.
Maryja napisała:
«Dasłali skrynšot z bazy MUS Biełarusi, akazvajecca ja tam značusia ŭ śpisie jak asoba, jakoj ujezd u krainu «zabaronieny i niepažadany». Samaje paciešnaje, što sajt hety biez VPN adkryvajecca tolki na terytoryi Biełarusi, heta značyć, kab daviedacca, što ty nieŭjazny ŭ Biełaruś, tabie spačatku treba ŭjechać u … Biełaruś!
Što ž, z ulikam taho, što ja stała inšaahientam praź pieravody ad hramadzianki Biełarusi, atrymlivajecca, što ja ahient krainy, u jakuju mnie navat zabaronieny ŭjezd. U cełym, što ździŭlacca, kali abodva hetyja rašeńni mohuć paspaborničać pa ŭzroŭni absurdnaści.
Nu, a Biełaruś ja lublu, jana zaŭsiody ŭ maim sercy, a ŭsio heta dziarmo nie viečnaje».
