Enierhaatam: Rasijskija vojski znoŭ abstralali Zaparožskuju AES
Ukrainskaja atamnaja kampanija «Enierhaatam» paviedamiła, što rasijskija vajskoŭcy dniom 11 žniŭnia znoŭ abstralali Zaparožskuju AES i terytoryi pablizu atamnaha abjektu.
«Zafiksavana piać «prylotaŭ» u rajonie kamiendatury stancyi — pobač z učastkam zvarki i schoviščam krynic vypramieńvańnia. Na nievialikim učastku zaharełasia trava, ale, na ščaście, nichto nie paciarpieŭ», — paviedamili ŭ «Enierhaatamie».
Jašče piać «prylotaŭ» adbylisia ŭ rajonie pažarnaj čaści, raźmieščanaj niepadalok ad Zaparožskaj AES. Z-za hetaha na stancyi nie ŭdałosia svoječasova pravieści «pieraźmienku» — aŭtobusy ź piersanałam nastupnaj źmieny paviarnuli nazad u Enierhadar. Pakul pracu buduć praciahvać pracaŭniki papiaredniaj źmieny.
Z pačatku vajny va Ukrainie terytoryja Zaparožskaj AES nieadnarazova traplała pad abstreły, baki abvinavačvajuć u hetym adzin adnaho. Apošni raz ZAES abstralali 7 žniŭnia.
