U KNDR zajavili pra pieramohu nad karanavirusam
Lidar Paŭnočnaj Karei Kim Čen Yn abviaściŭ ab «pieramozie ŭ baraćbie z karanavirusam» u krainie i zahadaŭ admianić supraćpandemičnyja miery, uviedzienyja ŭ mai.
Paŭnočnaja Kareja 12 maja paviedamiła pra pieršaha ŭ krainie chvoraha na «lichamanku», jakuju zamiežnyja ekśpierty ličać karanavirusnaj infiekcyjaj. Da hetaha na praciahu ŭsioj pandemii Pchieńjan zajaŭlaŭ pra adsutnaść vypadkaŭ zachvorvańnia. Pavodle źviestak dziaržaŭnych ŚMI, ahulnaja kolkaść zachvarełych na «lichamanku» z kanca krasavika ŭ KNDR pieravysiła 4,8 młn čałaviek, pamierli 74 pacyjenty.
Tym časam siastra Kim Čen Yna paviedamiła, što toj surjozna zachvareŭ padčas epidemii.
«Niahledziačy na toje, što jon byŭ ciažka chvory i z vysokaj temperaturaj, jon nie moh ni na chvilinu prylehčy, dumajučy pra ludziej, pra jakich jon pavinien byŭ kłapacicca va ŭmovach supraćepidemičnaj vajny», — skazała jana, abvinavačvajučy ŭłady Paŭdniovaj Karei ŭ «pravakavańni praniknieńnia» COVID-19 u Paŭnočnuju.
